Warisan Leluhur Desa Pojok

Pundhen Pojok

A.     Panggonane Pundhen Pojok

           

            Pundhen Pojok manggon wonten Desa Pojok,Kecamatan Kawedanan, Kabupaten Magetan.Diwastani nami “POJOK” amargi Pojok Kalebet Kecamatan Kawedanan lan dados perbatasan antara Kecamatan Kawedanan kaliyan Kecamatan Nguntoronadi.Papanipun Pundhen Pojok wonten tengahipun wit-wit jati.Pundhen Pojok niku wonten  wit gedhe lan uga tinemu wit randu alas lan wit pilang.Wonten Sacedhake kurang luwih 40 meter,wonten kreteg Pojok.Kreteg niku sampun wonten nalika jamanipun Landha

            Pundhen minangka papan kramat wonten sawijining desa.Pundhen iku nggadahi arti.Jeneng Pundhen,saking tembung”Mpu”,yaiku ingkang mbabat Desa niku. Lan tembung “ndhen”,yaiku kados dipundhi-pundhi..Dados,Punden inggih menika salah sawijining panggon ingkang dibabat kaliyan sing mbabat desa niku,ingkang kados dipundhi-pundhi dening masyarakat sekitar.Wonten Pojok niku ,ingkang mbabat naminipun Mbah Dipokromo.Tapi,para warga uga mastani Mbah Dipokromo niku Sunan Lawu

            Critanipun,wonten jaman mbiyen,Gunung Lawu nyundul langit amargi dijejeg kaliyan Kethek Putih.Pucukipun wonten ing Pundhen Pojok,pertengahanipun manggen wonten Gunung Bancak.Mula,naminipun Mbah Dipokromo uga diwastani Sunan Lawu

B.      Sumber Informasi

            Asma : Mbah Suradi

            Umur : 78 tahun

            Mbah Suradi ingkang dados sesepuh wonten Desa Pojok,ngendika menawi Pundhen Pojok sampun wonten nalika dhewekw miyos.Dhewekipun naming nerusaken kaliyan njaga warisa lan tininggalanipun saking Mbah Buyut.Mbah Suradi mbacutake crita,menwi Punden Pojok nggadahi kekuatan magis.Pundhen niku dados panggonn kagem dedonga sinten mawon ingkang nyuwun pitulungan.Mbah Suradi sregep ngreseki Pundhen niku.Mbah Suradi uga nggadahi kepercayaan marang Pundhen niku.Dhewekipun ngreseki Pundhen niku amargi nggadahi kepercayaan menawi sing mbabat Desa Pojok nggih Pundhen niku.Saliyane niku,dhewekipun inggih percaya menawi ingkang mastani dhaharan Mbah Suradi kaliyan kaluarganipun inggih menika Pundhen niku wau.Menawi sampun rampung ngreseki pundhen niku,Mbah Suradi nyuwun tambah wilujeng,anggen kelurusan menawi nggolek sandhang ,pangan, lan pinaringan rahayu wilujeng saterusipun marang pundhen niku

C.       Kegiatan wonten Pundhen

         Kegiatan wonten Pundhen Pojok mboten mligi kegem bebesik desa saben Wulan Sura.Kathah banget kegiatan-kegiatan ingkang nate wonten mrika wiwit saking dedonga ,slametan ing desa,kerja bakti,lan uga sanes sanesipun.Ananging, kegiatan utama wonten Pundhen Pojok inggih menika slametan

         Kagem ngregengake reresik desa.Saben Wulan Sura dinten jum’at Pon, adatipun ditanggapake ”Gambyongan”.Papanipun pagelaran inggih menika wonten Pundhen niku

D.     Kramate

         Miturut Mbah Suradi,dhayang ingkang dipercaya njaga Pundhen niku mesti nyuwun ditanggapake “Ganbyongan”. Saumpama mboten ditanggapake,sing mbabat niku bakal nesu lan ndadekake warga desa Pojok rusuh amarga wonten sejenis wabah ingkang njalari para warga.Wabah iku awujud lara-laranen ingkang njangkit para warga Desa Pojok.Sajaripun Mbah Suradi,wonten sakiwa tengenipun Pundhen Pojok  menawi ditanemi wit-witan sakliyanipun wit randu alas kaliyan wit pilang ,mangke mboten saget thukul.Mbah Suradi ugi sajar menawi jaman mbiyen ,wonten bocah sampung, nitih motor wonten pundhen mboten gadhah aturan lan byayakan.Sajaripun nalika dalu ngipi menawi ditekani Sunan Lawu.Bocah niku,diomongi menawi dolan wonten Punden Pojok ,mboten pareng ugal-uagalan,mangke bisa nerak yoganipun Sunan Lawu .Akhire,bocah Sampung mau kapok lan dhewekipun janji mbotrn mbaleni malih tindakane niku wau

         Sabibaripun kadadosan niku wau ,sinten mawon menawi mlebet wonten Pundhen Pojok ,kedah njaga solah bawa kaliyan tata krama.Menawi wonten tiyang ingkang nggadahi tumindak awon wonten mrika,mangke bakal nemoni cilaka.Amargi ingkang ingkang mbabat Pundhen niku mboten remen tumindak ingkang ala